Hvít Toblerone mús

Einfaldur og bragðgóður eftirréttur!

Uppskrift fyrir 4

Innihald:

250 gr Toblerone hvítt

60 gr smjör

2 stk egg

250 gr rjómi

Ber/súkkulaðispænir til að skreyta með.

Aðferð:

1. Bræðið súkkulaði og smjör yfir vatnsbaði og hrærið vel í blöndunni, þegar blandan er orðin slétt er hún tekin af hitanum í um það bil 5 mínútur.

2. Stífþeytið rjómann.

3. Pískið eggin og blandið rólega saman við súkkulaðiblönduna.

4. Setjið 1/3 af rjómanum saman við blönduna og hrærið vel saman. Setjið restina af rjómanum saman við, blandið varlega saman með sleif.

5. Hellið jafnt í fjórar eftirréttaskálar og kælið í um 2-3 klst áður en þið skreytið og berið fram.